ungevenstreodda

Vårsesongen byrjar å ta form!

I Odda Unge Venstre har dei kjipe vintermånadane blitt produktivt utnytta. Liberale sjeler i Odda og omegn går ei spanande vår i møte!

Då er det akkurat ein time sidan årets årsmøte blei avheldt. Det var eit produktivt og sosialt møte som vi arrangerte saman med “store” Venstre i Odda.
Styret har blitt utvida med ein, og vi har omorganisert oss litt.
Odda Unge Venstre sitt styre for 2012:
Ingrid Louise Birkeland Skorpen (leiar)
Maren Eimind Børslien (nestleiar)
Ida Eimind Børslien (referent)
Martin Strand (styremedlem)
Torleif Birkeland Bay (styremedlem)

Her er nokre av dei sakene vi tykkjer er viktigast i år:

Kalkomnane og UNESCO:

På Odda Unge Venstre sitt årsmøte den 12.02. vedtok styret å fordømme ei eventuell riving av kalkomnane på Smelteverkstomta. Bakgrunnen for vedtaket er at det etter styret si meining vil vere skadeleg for søknaden om UNESCO-statusen dersom ein så viktig del av produksjonsprosessen blir fjerna. Det er, slik vi ser det, få eller ingen relevante argument som talar til fordel for ei riving, anna enn at folk synes det ser stygt ut. Oddas moglegheit til å få UNESCO-status kan ikkje bli satt i fare av slike estetiske omsyn. Det er inga skam i å høre på dei som kan meir om noko enn ein sjølv, og det er så mange ekspertar på området som slår fast at kalkomnane er viktige at det vil vere katastrofalt om dei blir rivne likevel. Vi i Odda Unge Venstre er unge menneske som ynskjer at Odda skal bli ein by vi vil flytte tilbake til etter ferdig utdanning. Vi ynskjer oss ein visjonær by, som ærar historia si og som tør å ta tak i og styre si eiga utvikling. Vi ynskjer oss ein stad som skil seg frå alle andre småstader på Vestlandet. Odda må tørre å vere seg sjølv – og det inneber å ikkje rive dyrebare kulturminne!

Stemmerett for sekstenåringar:

Odda Unge Venstre meiner at stemmerett for sekstenåringar er noko Odda kommune, og alle andre kommunar, bør stille seg positive til, med tankje på at det gir ungdommen den tilliten staten påstår dei har til oss unge. 
Vi unge er av natur sterkt engasjerte, men vi er, på lik linje med dei over atten, forskjellige. Altså, nokon bryr seg – nokon bryr seg ikkje. Derfor finn vi det naturleg å få bestemme over vårt eige samfunn på lik linje med dei andre, spesielt sidan vi er gamle nok til å hamne i straffesystemet til staten. 

Anna enn dette har vi diskutert korleis vi vil styrke lokallaget vårt, og korleis vi vil engasjere flest mogeleg. Vi har derfor sette ned ein arrangementskomité kor vi har to frå styret (Ingrid Louise, leiar og Ida, referent) og fem faste medlem. Denne komitéen skal ha ansvar for å arrangere arrangement, og å søkje om midlar til desse aktivitetane.

Sidan vi er eit såpassa ferskt lokallag vil vi sjølvsagt  fokusere på å utvide medlemstalet vårt (som no er på heile ti stykk!) og vise oss meir i lokalmiljøet.

Som ny leiar av Odda UV føler eg meg priveligert, og eg er glad for å vere omringa av dei andre flotte menneska i Odda Unge Venstre, og Unge Venstre generelt. Takk for trua, og ha det bra!

- Ingrid Louise (og litt Maren)

Sidan valet 2011 har Odda Unge Venstre vore i ein dvale utan noko form for utad aktivitet. 
Søndag 12. februar har vi årsmøte, og vi håpar på at det nye styret blir mykje flinkare til å halde koken utanom valtider!

Det å byggje eit lokallag frå botnen av er ein vanskeleg prosess, men vi har heldigvis ungdommane til å gjere jobben. I desse dager jobber vi iherdig med å skrive fråsegn, planleggje nyåret og byggje vår vesle organisasjon frå innsida og ut. Vi vonar at vi snart er ute i lokalsamfunnet igjen med nytt pågongsmot og nytt glimt i auga. 

- Ingrid Louise.

No er det over, og røystene er talte. Slik ser valresultatet i Odda ut:

Arbeiderpartiet: 33,1% (-3,3%)

Høyre: 17% (+6,7%)

NyeOdda: 16% (+4,1%)

Rødt: 11,5% (-2%)

Venstre: 10,2% (-0,5%)

Demokratene: 6,3% (+6,3%)

Senterpartiet: 6% (+0,4%)

Odda Unge Venstre kan gje seg eit godt klapp på skuldra og kan no ta seg eit velfortent utpust.

Odda Venstre har gått ned 0,5% sidan førre val. Det er litt skuffande med tanke på gode valprognoser.

3676/5515 av dei som hadde røysterett brukte den. Det er altfor lavt.

For øvrig: Venstre fekk 6,3% oppslutning på nasjonal basis, 638 kommunestyrerepresentantar. Det beste kommunevalet Venstre har gjort på 40 år!